6 X 46 – EN DIE WÊRELD VOL
VROEG vanjaar, toe die ganse wêreld se aandag gespits was op nuus oor ’n nuwe virus wat ál dreigender word, het Grant Rosenkowitz op sy Facebookblad geskryf: “Ek wens vandag my broers en susters wat oor die wêreld versprei is ’n baie gelukkige verjaardag toe.”
Dit was 11 Januarie, en die verjaardag waarna hy verwys het, het baie mense dalk verbygegaan, maar dit was in die werklikheid ’n mylpaal in ’n verhaal wat met die jare groot aandag getrek het.
Want Grant is een van die bekende Rosenkowitz-sibbes – die sesling wat die verbeelding van die wêreld aangegryp het toe hulle op 11 Januarie 1974 in Suid-Afrika gebore is.
Maar wat het geword van dié beroemde sesling, vanjaar 46 jaar oud, nadat hulle uit die kollig verdwyn het?
