VERHEUG OOR ONS BABA NO. 1
BYNA vier maande lank moes sy die groot nuus geheim hou en verskonings uitdink wanneer mense op sosiale geleenthede gewonder het waarom sy “nee dankie” sê vir ’n glasie wyn.
In dié tyd het Christia Visser die stilswye bewaar oor die nuwe lewetjie wat in haar groei, al wou die trotse pa van haar eersteling dit graag aan die hele wêreld uitbasuin.
Maar noudat die eerste brose stadium van hul baba se ontwikkeling veilig agter die rug is, wil die aktrise en sangeres haar groot nuus deel: “Ons baba is gesond en dis ’n dogtertjie!”
Christia (29) is verheug oor die kleinding wat sy en haar man, Thomas Webb (30), aan die einde van Mei verwag.
Om hom sover te kry
