MY EERSTE ‘MAMMIE’ – OP 18

SY HET nooit ’n sorgelose jongmenslewe geken nie. Op 16 was sy al lank soos die ma in haar ouerhuis en was sý die een wat haar vier sibbes moes vertroos nadat die houe in nog ’n woedeuitbarsting van hul pa op hulle neergereën het.

Selfs op die drumpel van volwassenheid het sy nie geweet wat dit beteken om ’n beskermende ma te hê of om onvoorwaardelike ouerliefde te ervaar nie.

Landi Lategan* is immers die oudste dogter uit die “huis van gruwels”, waar sy en haar jonger sibbes jare lank mishandeling aan die hand van die sogenaamde “Springs-monster” – soos hul pa berug geword het – moes verduur. En deur die jare, sê Landi, was haar eie ma nooit werklik vir haar ’n ma nie – sy het haar en haar sibbes nie probeer beskerm teen haar man