Ek loop my eie pad

Dis ’n dapper besluit om nou, te midde van die pandemie, jou permanente werk te laat vaar en jou eie ding te doen.

Maar Simoné (Nortmann) Pretorius, wat in Julie die laaste keer as suster René Spies in die kykNET-sepie Binnelanders verskyn het, was nog altyd iemand wat haar eie pad loop. Dis juis dié waagmoed wat haar, op 30, al uiteenlopende rolle as aktrise besorg het – van kykNET se komediereeks Hotel tot die avontuurfilm Stroomop.

Nou wil sy ’n nuwe avontuur van haar eie aanpak, as skrywer, regisseur en vervaardiger.

Iets in my het uitgeroep, ekwou ’n verskil help maak Simoné oor die organisasie A21

Eintlik, sê sy, het sy al in November verlede jaar die besluit geneem. “Ons is toe nuwe kontrakte by aangebied en ek het dit van die hand gewys. Ek het vooraf baie lank oor my besluit nagedink, want sepies bied stabiliteit en ek is lief vir die mense daar. Maar toe ek in!”