TÉ MIN TYD MET ONS MIENKE
DIS ’n lieflike, sonnige lentedag, die soort dag waarop ’n mens die lewe wil vier. En op die oog af lyk die kleurvolle toneel wat hier in ’n voorstedelike straat in Benoni afspeel kompleet na ’n verjaardagpartytjie vir ’n spesiale klein meisietjie.
’n Konvooi van sowat 70 bakkies, motors en motorfietse hou stil en die insittendes, baie van hulle in pienk T-hemde, klim uit en plaas blomme en kaartjies by die hek van ’n woonhuis. Daar is selfs ’n groot, goue ballon in die vorm van die letter “M”.
Dan word vrolike pienk ballonne losgelaat om stadig die blou lug in te sweef.
Dan sien jy die gesin wat soos ’n klein eiland van hartseer styf teen mekaar staan en
