‘GEEN VREES EN GEEN HISTERIE’
VAN buite lyk dit nes enige ander kantoorgebou in Centurion. Daar is niks wat verklap dat hier bitter onlangs nog ’n drama om lewe en dood afgespeel het nie.
Die lang, atleties geboude man en die mooi donkerkopvrou stap na binne en eensklaps is die bedrywigheid van buite vergete. In die stil, koel kamer is konferensiestoele in rye gepak en voor in die vertrek staan die preekstoel. Hier word elke Sondag ’n kerkdiens gehou; dis hier waar die man en vrou saam met hul gemeente kom aanbid.
Die paartjie stap na twee stoele in die voorste ry en gaan sit – nes hulle al soveel kere tevore gedoen het.
Dis waar hulle altyd tydens die erediens sit, sê Pieter van die Westhuizen, broer van die ontslape Springboklegende Joost van der Westhuizen. Almal
