TOE DIE SWART HOND KOM BYT
SO LANK as wat sy kan onthou, sukkel sy met depressie. Selfs as kind, toe ander dogtertjies sorgeloos deur die lewe gehuppel het, het die Swart Hond aan haar hakskene gebyt. Jare lank kon sy nie ’n naam aan dié gevoel binne haar gee nie, maar dit was dikwels daar.
En toe bedank LiMari Louw (38) verlede maand ná 10 jaar voor die kameras as nuusleser by eNuus nadat sy net 24 uur kennis gegee het. In ’n Facebook-plasing kort voor haar bedanking het sy vertel sy het oorweeg om ’n einde aan alles te maak.
“Ek was geestesgedaan. Daar was niks van my oor nie. My selfbeeld was aan flarde, my fisieke en geestesgesondheid was verwoes en selfs die sterkste
