Gló soos aan begin
Die Stellenbosse paleontoloog Jurie van den Heever se menings dra gewig. Daarom is sy artikel in verlede Sondag se Weekliks (“Die gerief van net gló”) belangrik. Baie belangrik is sy stelling dat “die wetenskap, en by uitstek die evolusionêre biologie, vir werklik gelowige mense die wonder en grootsheid van God se skepping ontsluit”. Ek lei af dat Van den Heever hom by hierdie “werklik gelowige mense” wil skaar.
Van den Heever wys met reg die idees van “kreasioniste” af. Hy dui ook aan wie hy as kreasioniste beskou. Dit is onder meer Amerikaners wat die King James-vertaling van die Bybel as die absolute waarheid erken (hier by ons is dit seker Afrikaanse mense wat net die 1933-vertaling van die Bybel er-ken, of dalk die Statenvertaling). Hulle meen ook dat die kosmos in ses dae van 24 uur elk geskep
