BAK JOU SORGE WEG
Vroegoggend het haar pa die deeg aangemaak, geknie en die swartpot op die kole gesit. Broodbakdag tydens hulle Desembervakansies in die Sederberge is tot vandag toe nog een van die beste herinneringe van haar lewe. Dit was ’n hele proses, onthou Nelia Richter, assistentredakteur van Landbouweekblad. ‘Die proses om te bak, die presiese hoeveelheid kole bo-op die potjie tot die oopmaak as almal nader staan om die meesterstuk te bewonder, en dan natuurlik die groot proe.’
In die grendeltyd het sý, nes soveel mense reg oor die wêreld, haar troos in bak gesoek. Sy haal die Russiese skrywer Fiodor Dostoejefski aan: ‘Niks is meer onweerlegbaar as brood nie.’
’n Vriendin van Amerika wie se studentedogter saam met haar kêrel by haar en haar man ingetrek het, stuur ’n Whats-App-stemboodskap van haar mense wat te heerlik smul aan haar brood. ‘Ek stuur die resep, dis
