Foutiewe aflewering

STEFAN is verlig toe hy die adres gou opspoor. Vandag is hy sweerlik laat vir rugbyoefening. Om ’n bloemiste as suster te hê is soms ’n straf. Dis nie die eerste keer dat Liesl hom as stuurjonge inspan wanneer sy vasbrand met aflewerings nie. En weier kan hy nie; daarvoor het sy hom al te veel kere met die einste blomme uit die verknorsing gered wanneer hy drooggemaak het – en dit kan hy nogal goed doen. Dié dat hy op 28 nog enkellopend is.

Hy kyk haastig op die kaartjie. Sonop, nommer vyf, lees hy. Versigtig lig hy die ruiker van die agtersitplek af. Haastig of nie, selfs hy kan sien hy staan met ’n hele paar rand in sy hande. Die ou moet die skoot hoog deur hê, dink hy.

Sy klop word gou beantwoord deur ’n vrou met die rooiste hare wat hy al