Het die Doppers die toets gedop?
Die kerk bestaan uit gebroke sondaars.
In Rapport Weekliks van 12 Julie verskyn daar die hartverskeurende artikel van Francois Lion-Cachet waarin hy as gay persoon sy afskeid van die Gereformeerde Kerke in SA (GKSA), of “Dopperkerk” soos hy dit noem, beskryf.
Volgens hom kan hy moeilik insien dat iemand nog aan ’n kerk (kerkgemeenskap) kan behoort wat ’n “skadelike dogma” handhaaf waar gay persone nie welkom is nie. Onderdrukking en homofobie het van die gruwelikste dade tot gevolg. Sy standpunt verdien sonder twyfel nadere aandag.
Gedurende die tweede helfte van die vorige eeu was daar veral drie debatte wat in die drie klassieke Afrikaanse kerke gevoer is. Die eerste het
