WOLWE IN SKAAPSKLERE?
SY WAS sonder kind of kraai en al so verswak deur die kanker dat sy nie meer na haarself kon omsien nie. Maar die tenger vrou van Benoni was nie gereed om dood te gaan nie, vertel ’n vriendin, en sy het geglo sy sal ten spyte van haar siekte nog voluit kon leef
Maar toe was dit nie die kanker wat haar lewe eindelik geneem het nie – dit was glo moord. En dit na bewering aan die hand van een van haar eie geliefdes; die een wat haar in haar kankerstryd versorg het.
Niemand na aan Debbie Venter (52), by wie servikale kanker verlede jaar gediagnoseer is, was in staat om haar te versorg nie. Oplaas het die voormalige verkoopsverteenwoordiger ’n hartverskeurende Facebook-pleidooi aan die
