Liefdesverhaal aan die Kaapse Vlakte
As die Cape Flats kon praat: Green Eyes en ander stories deur Brian Fredericks. Uitgewer: Human & Rousseau. Prys: R245.
Vir liefhebbers van die Afrikaanse kortverhaal is die naam Brian Fredericks nie onbekend nie. Hy debuteer in 2013 in die bundel Nuwe stories 2 en van sy verhale verskyn ook in Bly, die Woordfees-kortverhaalbundel van 2016, en in verlede jaar se Die nuwe Afrikaanse prosaboek, saamgestel deur Sonja Loots en Steward van Wyk. Nou, uiteindelik, verskyn Fredericks se solobundel As die Cape Flats kon praat met vyf nuwe verhale asook nuwe weergawes van vier voorheen gepubliseerde verhale.
Die bundeltitel is ontleen aan James Baldwin se roman (1974), wat in 2018 in ’n Oscar-bekroonde fliek omskep is. In sowel die roman as rolprent speel ’n liefdesverhaal af in die vroeë 1970’s in Harlem, New York. Fredericks se bundel kan eweneens as ’n soort liefdesverhaal aan die Kaapse Vlakte gelees word (2000) wat as motto hierdie idee ondersteun.
