Laat hulle in die huis help
DIT klink soos ’n resep vir chaos: vier kinders jonger as 10 jaar in een huis. Maar die huishouding van Maureen van Helsen van Vanderbijlpark werk soos ’n goed geoliede masjien, met elkeen van die kinders wat hul kant bring met take in en om die huis.
Almal het takies,” vertel Maureen oor haar kroos, onderskeidelik 9, 7, 4 en 2. “Die oudste twee het hul eie kamers en maak soggens hul beddens op. Die jongste twee moet saans voor slaaptyd speelgoed wat rondlê, optel en bêre.”
Die kinders word van kleins af geleer om hul wasgoed saans met badtyd in die wasgoedmandjie te gooi en hul handdoeke op te hang. Die oudste kinders pak hul eie skoon wasgoed in hul
