Hulle dink uit die boks
Die regulasies bepaal dat kos nie by restaurante gehaal kan word nie, maar slegs afgelewer mag word. Baie restaurante – veral op die platteland – het nie toegang tot afleweringsdienste nie en sjefs moes self inspring. Talle span ook kelners in, wat met fooitjies ekstra geld maak.
Verskeie sjefs is terug in die kombuis, maar al die geld wat hul wegneemetes in-bring, gaan óf vir behoeftiges in hul gemeenskap óf vir hul personeel, soos die La Colombe Dine-In Experience of Luke Dale Roberts se luukse ete-bokse.
Baie het met oulike idees vorendag gekom om die wegneem-ervaring vir kliënte spesiaal te maak.
Paternoster
Die wat deur die Wêreld Restaurant-toekennings as restaurant van die jaar aangewys is, het die Wolfgat at Home-boks. Die sjef en eienaar, Kobus van der Merwe, bedien ’n viergangmaaltyd met Weskus-lekkernye soos gevulde soutslaaiblare, snoektertjies of piekelvis. Omdat jy nie daar op die Weskusstoepie kan sit nie, sluit die boks ’n kaart van die Strand-veld, en een van ’n beperkte oplaag van Kobus se foto’s, in. En geen maaltyd is volledig sonder musiek nie: Kobus sluit die Wolfgat-winterspeellys in waarna jy kan luister om die Weskus tot in jou voorkamer.
