PIKKIES OP ’N TOER
‘Elkeen reageer anders op hul nuutgevonde vryheid’
DIE pikkewyne kyk so half hooghartig oor hul snawels na die skeurtandhaai wat onheilspellend nader kom. G’n teken van vrees nie … want sien, die haaie is binne en pikkewyn se kind is buite.
Dan waggel hulle verby die glasmuur van die groot tenk, dieper die verlate akwarium in. Dis asof jy ’n dralende “Just smile and wave, boys” kan hoor terwyl hulle uit die oog verdwyn.
Nee, dit is nie die avontuurlustige troppie van se jongste ontsnappingsdrama nie. Maar jou raaiskoot is nie te ver van die kol nie. Want met dié dat Kaapstad se Twee Oseane-akwarium weens die inperkingsreëls vir besoekers
