Dêdda kom HUIS TOE
James se asem jaag:“Is Dêdda by jou? Ek het nou by die tehuis aangekom en hy is nie hier nie. Niemand weet waar hy is nie.”
Macy se hart klop in haar keel. Sy kan nie nóg ’n pa verloor nie. Dié keer gaan sy dit nie oorleef nie.
“Nee, hy is nie. Ek het vir julle gewag om te kom. Hoekom sal ek hom gaan haal as ek weet jy bring hom?”Macy hoor haarself ’n bietjie geïrriteerd raak, maar sy kan dit nie help nie. Dit het net uitgeglip. Sy kan dit eenvoudig net nie oor haar hart kry dat hy die kans gekry het om weg te loop nie. Hy kan enigiets oorkom.
“Oukei, bel my as enigiets verander.”
“Ek sal solank rondkyk en posts maak,”sê sy en sit die foon af.
