GROEI & GENEES
“Kylie kom nou! Dit raak laat en jy moet nog eet!" roep Pa uit die kombuis, maar ek voel vandag verlies in al sy wrede glorie.
Die skool het aan vyf leerders in graad 12 die opdrag gegee om iets te doen vir Erfenisdag. Die eerste ding wat by my opgekom het, was om iets oor ma's te sê, maar my ma is 'n jaar gelede skielik aan borskanker oorlede. Dis 'n rou wond wat ek nie dieper wil oopkrap nie. Ek sal aan iets anders moet dink.
Mammie was die een dag nog perdfris en gesond en die volgende dag het sy geveg vir haar lewe. Pa is hier, maar hy kan haar nie vervang nie. Al sy probeerslae om haar plek ook vol te staan, is ietwat pateties.
“Mammie, ek mis jou so baie. Ek wens jy was hier,”sê ek
