REGOP IN DIE FILMSTILSTAND
WAAR tientalle gaste normaalweg dié tyd van die dag – en jaar – vrolik oor middagete sou klets oor uitstappies na die Kangogrotte 10 km van hier af, is die eetplek vandag verlate. Al mens wat jy op die skerm kan sien, is die eienaar, die fliekvervaardiger Cobus van den Berg.
Want dis nié normale tye nie, en sy lodge is verlate; nog ’n niemandsland gestroop van toeriste midde-in die landwye inperking.
Huisgenoot gesels met hom via ’n Whats-App-video-oproep, en agter hom staan die rye leë, ongedekte tafels van die eetplek by die Swartberg Country Manor, sy lodge buite Oudtshoorn in die Wes-Kaap.
Cobus (56) dra ’n T-hemp met ’n prentjie van ’n ou geel kombi wat lyk of dit reg is en die inperking saam met sy gesin deurbring.
