’N ‘NUWE LEWE’ IN 7DE LAAN
AS vryskutaktrise leer ’n mens maar om dinge te vat soos dit kom – en dis ’n les wat Mila Guy al vanjaar ’n paar keer goed te pas sou kom, want tot dusver was 2020 ’n jaar waarin sy heelwat aanpassings moes maak.
Eers moes sy ná jare as vryskutaktrise aan ’n daaglikse werkroetine gewoond raak toe sy in Januarie die rol van Lana Basson in 7de Laan begin vertolk het. Dié episodes word nou uitgesaai.
“Die grimeerspan het geweet ek word eers mens ná my eerste koppie koffie,” sê die naguil. “Jy bou ’n roetine: Jy staan op, jy leer jou woorde, jy gaan werk toe, jy gaan speel, jy leer weer jou woorde. . .”
Maar sy het skaars haar voete op die stel gevind
