Bloot ANDERS

Louïde le Roux is ’n jong ma met drie seuns. Sy vertel van haar pad saam met haar middelkind:

As Joshua-Luke se mamma het ek vandat hy twee jaar oud is, vermoed daar is “iets anders” omtrent hom. Hy was as baba ongelooflik ernstig, het nie sommer gelag nie. Ons het hom ons kwaai babatjie genoem. Hy het laat begin praat (wat vir my vreemd was omdat hy ’n ouer boetie gehad het wat heeldag met hom gesels het en ’n ma wat gedurig aan die gesels is). Hy was wel baie slim en kon al voordat hy twee jaar oud was al sy vorms, nommers en sommer die alfabet ook herken. Soos Joshua-Luke ouer geword het, was al hoe meer “eienaardighede” sigbaar.

Hy het volstrek geweier om enigiets behalwe kapokaartappels te eet. Hy het dadelik begin opgooi as hy vleis ruik en het mettertyd heeltemal ophou vleis eet. Sy hele dieet