Help, ek ruik en lyk AAKLIG!
SKOONHEID is nie aldag ’n glansryke affêre nie – allermins. Natuurlike liggaamsfunksies veroorsaak soms ’n ongemaklikheid wat jou laat voel jy is die enigste een in dié penarie. Maar wees gerus, niemand is bestand teen lastighede soos koorsblare of ’n slegte liggaamsreuk nie. Ons het die antwoorde op ’n paar algemene skoonheidstameletjies gaan soek sodat jy sommer gou weer op jou stukke kan wees.
DIE PROBLEEM
Oormatige sweet
Jy verwag dit ná ’n oefensessie, maar nie wanneer jy in ’n vergadering sit nie. As jy maklik en te veel sweet, ontspan; jy is nie alleen nie. Die toestand staaan as hiperhidrose bekend en raak tot
