Om slaai te braai
Die inperking het die wêreld aan die bak, brou en braai. Ek het tot ander aand slaai gebraai. Ja, slaai! Ek het die slaai gestop met feta- en bloukaas, dit met ’n toutjie toegedraai en oor die kole gegooi. Op die bord het ek dit bygekom met ’n knippie sout, bietjie swartpeper, ’n paar druppels olyfolie en ’n skeut suurlemoensap. Dit was regtig ’n heerlike kulinêre verrassing, so probeer dit gerus.
