LESSE UIT ONS ISOLASIE
DIS moeilik om nie sommige dae wanhopig te voel nie – die lewe soos ons dit geken het, het verander. Vir die meeste van ons is ons leefwêreld nou beperk tot die ruimte binne vier mure, en die vryheid wat ons eens as vanselfsprekend aanvaar het, is tydelik weggeruk.
Terwyl ons spartel om kop te hou tydens Suid-Afrika se inperking om die verspreiding van die coronavirus te keer, is daar wel woorde van bemoediging waaraan ons kan vashou. Dit kom van ’n groep uiteenlopende mense wat maar alte goed weet hoe dit in afsondering voel – ’n groep wat gevangenskap, rampe en tragedie oorleef het
