Kwaadstoker
Saggies met die trappe op na Zeldie se kamer toe. Sy wou tevore iets vir hom sê. Nou wil hy uitvind wat dit is.
Daar is stemme binne. Beer herken Cynthia s’n eerste.
Hy wil net klop toe Dorothea se deur naby hom oopgaan. Hy skuil agter ’n pilaar. Sy praat met Rieksie wat uitstap. Dis die eerste keer dat hy Rieksie hoor lag.
“Jy kort ’n tatoe, girl!” sê Dorothea, “soos net hy dit kan gee!”
Rieksie druk ’n boek terug in die rak langs die trapreling. “Ek sal nie toelaat dat hy aan my raak nie! Sies, man!” gril sy op pad af.
“Jy weet nie wat jy mis nie!” Dorothea loop agterna.
Hulle skaterlag asof hulle iets weet wat die ander nie weet nie.
Wanneer dit veilig is, stap Beer terug na Zeldie se kamerdeur.
“Het Beer my
