Kwaadstoker
“Cynthia?” Dit klink of hy iemand anders se naam sê as sy eksvrou s’n. Sy het hom verlaat omdat sy hom van ontrouheid verdink het. Maar Beer het haar nooit verneuk nie. Hy kon dit tog nie verhelp dat vrouens hom aantreklik vind nie. Soms het hy teruggeflankeer, maar dis so ver dinge gegaan het.
Hy het die aandag geniet – dit sal hy nie ontken nie.
Cynthia was altyd jaloers wanneer sy opgemerk het hoe vroue na hom kyk. Kom sy nou wraak neem?
“Hoeveel kwaad het jy dié slag gestook?” Haar stem klink soos doiliekrale wat teen ’n glasbeker stamp. Klokhelder.
“Niks waarvan ek bewus is nie.”
“Dis die probleem, Beer. Jy is nooit bewus van die probleme wat jy veroorsaak nie.”
“Dis nie asof jy so onskuldig was nie.”
“Ons het van die begin af nie gekliek nie. Ek wonder dikwels hoekom
