STOFSUIG onder daai mat
“Wanneer verskille in families keer op keer onder die mat ingevee word, vorm daar later knobbels, wat mens laat val en weer laat seerkry. Die uiteinde is net nog meer verskille en seerkry.”
Só sê Christi Gadd, ’n kliniese sielkundige in Pretoria.
“As mens aanhou om probleme te ignoreer, ontneem dit die familie die geleentheid om deur hul verskille te werk en by ’n oplossing uit te kom,” sê sy.
Dalk voel jou familielede julle moet die vrede bewaar of mekaar nie seermaak en ontstel nie. “Maar as jy herhaaldelik nie met mense deel hoe jy voel nie, dryf julle in elk geval uitmekaar en bou julle oppervlakkige verhoudinge vol verwyte, waar mense nie weerloos en eerlik kan kommunikeer nie.
“So raak julle verstrengel in
