Skottels vol geur
LIENTJIE WESSELS, die sjef wat aan die derde seisoen van die kykNET-kookreeks Kokkedoor deelgeneem het, hou van sterk geure wat sy rojaal inspan om internasionale smake aan Suid-Afrikaanse kos te gee. Die hoofstukke in haar eerste kookboek, Geure, is dan ook volgens bestanddele soos asyn, gemmer, sitrus, knoffel, olyfolie, speserye, neute, blomme, sumak en tamaryn ingedeel. Met dié geure slaan sy heerlike geregte aanmekaar sodat elke bord kos ’n lekker smaakverrassing is. Hier is ’n paar resepte uit haar boek.
1. BEESKRUISSKYF MET GEPIEKELDE RADYSE EN SUURLEMOEN-AARTAPPELS
GENOEG VIR 4 MENSE
BEREIDING: 30-40 MIN.
MARINEER: 1 UUR
GAARMAAK: 40 MIN.
BEESKRUISSKYF
◗ sap van 1 groot suurlemoen
◗ 50 ml olyfolie
◗ 2 lourierblare, gekap
◗ 2 knoffelhuisies, gekap
◗ sout en peper
◗ 250-300 g beeskruisskyf (rump steak) per persoon
