SÓ LYK HUL NAGLEWE
Vir die meeste van ons begin ons dag omtrent vyfuur soggens en eindig wanneer ons teen 21:00 in die bed klim. Maar wanneer ons moeg is ná ’n lang dag en uiteindelik ons kop op ’n kussing neerlê, is daar ’n hele ander wêreld wat dan eers teen die agtergrond van die donker nag en blinkende sterrehemel wakker skrik.
Dit is die wêreld van die nooddienswerkers, posuitsorteerders, sekere pakhuiswerkers, lugverkeerkontroleerders, padwerkers, sterrekundiges en sekere werknemers van die dieretuin en vele ander. En terwyl tegnologie dinge oor die dekades baie verander het en dinge makliker maak vir mense om nie meer nagskof te hoef
