Mantsho x H&M maak modegeskiedenis
palesa Mokubung, stigter en kreatiewe direkteur van die plaaslike mode-etiket Mantsho, het verlede jaar ’n oproep ontvang wat die trajek van haar onderneming sou verander. Die reuse-Sweedse kleinhandelaar H&M wou met Mantsho saamwerk om ’n modereeks te skep wat die elegansie en energie van Afrika met moderne ontwerpe vir die stylvolle, selfversekerde vrou vasvat en vier – juis ook Mantsho se uitgangspunt. Dit sou die eerste keer ooit wees wat dié klerehandelaar met ’n ontwerper van Afrika saamwerk.
“Ek besit my onderneming volledig. Ek het dit rok vir rok, romp vir romp, bloes vir bloes opgebou.”
Al was handelsmerksamewerking op dié skaal nie ’n maklike keuse nie, het Mokubung besluit sy gaan dit doen. Sy het gevoel sy kan baie leer
