KUIERHOEKIE

HALLO MY KUIER-MENSE,

Teen dié tyd weet julle seker al ek is nie self ’n ma nie, maar nadat ek al by meer as een geboorte moes bystaan, voel ek ek weet darem al so ’n bietjie van die besigheid – nie dat ek vir een oomblik wil voorgee om die saak te sien gebeur en geboorte te skenk, is dieselfde nie! (Kan julle nou dink hoe sommige mans sou tekere gaan as dit naastenby die geval was!)

Skuus, ek het weer lelik afgedwaal. My eintlike punt is dat ek baie bevoorreg is om ’n hele paar ma’s in my lewe te hê. Daarom weet ek sonder twyfel dis die moeilikste werk in die heelal, maar dat hulle ook van die geseëndste mense is wat ek ken. Ek ken ongelukkig net soveel vroue (baie in my ouderdomsgroep)