Mediterreense somerfees

spyskaart

VOORGEREGTE

Basiese platbrood (met variasies)

Luukse hummus

Dubbeldik tzatziki

HOOFGEREGTE

Varkterrien met port en pistasieneute

Pangebraaide forelfilette met suurlemoen, dille en appelkoosbotter

Vinkel-seldery-en-suurappelslaai

Panzanella (broodslaai)

NAGEREG

Wit tiramisu met brandewyn

Basiese platbrood

Maak 2 groot, 4 middelslagof 8 klein platbrode

Bereidingstyd 10-15 minute plus rystyd

Baktyd 7-9 minute

JY BENODIG

• 2 koppies (300 g) steengemaalde witbroodmeel
• 2 teelepels (10 ml) droë kitsgis
• 1 teelepel (5 ml) suiker
• ½ teelepel (2,5 ml) fyn sout
• ¾ koppie (200 ml) louwarm water
• 1 eetlepel (15 ml) ekstrasuiwer olyfolie, plus ekstra vir die bak en om oor te drup
• soutvlokkies om oor te sprinkel

SÓ MAAK JY

Meng die meel, gis, suiker en sout met ’n lepel in ’n groot mengbak. Gooi die water en olie by en hou aan meng tot die mengsel bymekaarkom. Meng dit met skoon hande tot dit ’n deeg vorm. Knie dit vir 5-7 minute of tot die deeg mooi glad is. Vorm ’n bol, sit dit in ’n gesmeerde bak, bedek dit met ’n plastieksak en laat dit op ’n warm plek rys tot dubbel die volume (ongeveer 30 minute).

Verhit die oond tot 230 °C en voer twee groot bakplate met bakpapier uit.

Keer die deeg op ’n meelbestrooide oppervlak uit en verdeel dit in twee bolle. Rol elkeen uit tot ’n ronde of ovaal vorm (omtrent so groot soos ’n groot bord – óf dikker, afhangend van hoe dik jy dit verkies) en sit dit op die gevoerde bakplate. Drup olyfolie oor en sprinkel soutvlokkies oor. Bak die platbrode vir 7-9 minute of tot dit goudbruin