‘VERDWAAL’ IS GOED VIR JOU
* Lees meer:
Ek is Finland toe om kreatief te wees en myself te vind, maar pleks daarvan het ek myself ‘verloor’.
As terapeut luister ek elke dag na stories van mense wat verlore en verlate voel. Soos ek dit verstaan, is ons in die lewe óf verdwaal óf ons voel so vasgeval dat ons glad nie vorentoe of agtertoe kan beweeg nie. Hoewel ons groot dele van ons lewe in hierdie ‘verdwaalde toestand’ deurbring, vergeet ons meestal waarom dit so belangrik is.
Een van die probleme van die moderne era is dat ons dae, weke en maande lank voor die tyd haarfyn uitgewerk word. Ons dagboek, Google-kalender of allerhande werkvloei- apps dikteer nie net wat ons elke uur van die dag moet doen nie, maar wakker ook ons terminale verslawing aan om die tyd te probeer tem. Dagin en daguit val ons vas in dieselfde ou patrone. En raai net wat is so ironies omtrent al hierdie voorsorgmaatreëls om die lewe te beheer? Uiteindelik weet ons in ieder geval nie wie ons is nie, net soos ons nie weet wat vir ons belangrik is of wat ons nodig het nie. Ons is so verlore midde-in die bedrywigheid van dinge wat gedoen, plekke wat besoek en mense wat gespreek moet word, dat ons onsself en mekaar langs die pad verloor.
In terapiesessies
