Sy neem die pastorie op HORINGS
Sy daag net op vir sustervergaderings as daar koek is en terwyl haar man preek, sit sy bene uitgestrek op die pastorie se stoep met haar koffie en sigarette en doen Bybelstudie.
“Ek is nie ’n tropdier nie,” verduidelik Erna onboetvaardig, strooihoed op die kop en in ’n helder kaftan geklee. Sy verdien ook nie juis haar brood op ’n konvensionele mannier nie.
Sy is ’n redigeerder vir ’n Amerikaanse e-posuitgewer, wat boeke in die gayro-manse-genre uitgee. Sy dig en sy het onlangs haar lyf aktrise gehou.
“Dié gay-romanse-genre se grootste leesmark is middeljarige vroue.
“Dis ’n nismark en wêreldwyd aanlyn beskikbaar.”
Om gayromanses beter te verstaan, doen sy heelwat navorsing.
“Jy sal alles op my rekenaar moet uitwis as ek doodgaan,” vertel sy laggend. Sy draai haar kop na haar dominee-man, Naudé, toe, wat met ’n groot glimlag sit en luister.
Erna se kreatiewe streep kom ’n lang pad. Stories het haar nog altyd gefassineer en sy is
