’n IDEE loop soos ’n SPINNEKOP
Helena Gunter se jongste kortprosabundel, Tweespoor, is as dramateks verwerk. Die toneel-stuk debuteer vanjaar op die Toyota US Woordfees.
Helena sê sy was “meer as uit die veld geslaan”. Kan dit wees? het sy gewonder. “Ek was verheug oor die potensiaal van ’n visuele uitbeelding, het begin droom en gesigte sien, maar nie heeltemal geglo dit gaan werklikheid word nie.”
Dit hét. Die aktrise Inge Crafford-Lazarus het die dramateks geskryf. Sy speel ook in die toneelstuk saam met die bekende Nicole Holm. Nicole is een van Helena se gunstelingaktrises. “Veral as sy met satire werk.”
Juanita Swanepoel is die regisseur.
Tweespoor is Inge se eerste Afrikaanse verwerking vir die verhoog. Sy is as aktrise by die New York-universiteit se Tisch School of the Arts opgelei. Plaaslik is sy tot dusver as verhoogaktrise bekend, onder meer in Pippie Langkous Athol Fugard se en Sam Shepard se
