STIAN se storie
Stian Bam het die gesogte trofee as beste akteur in ’n fliek by die negende kykNET Silwerskermfees vir sy rol in Die verhaal van Racheltjie de Beer gewen.
Die fliek het ook die prys vir beste produksie-ontwerp vir Chantel Carter én die prys vir gehoorgunsteling ingepalm. Matthys Boshof is die regisseur en het saam met Brett Michael Innes die draaiboek behartig.
Die verhaal loop só: Vyf jaar ná hul ma se dood trek die De Beer-kinders, die 12-jarige Racheltjie en vyfjarige Jamie, saam met hul pa, Herman, na die Goudvelde. Hul ossewa breek en die gesin kry verblyf op ’n afgeleë plaas in die bergagtige Oos-Vrystaat by die Lundt-egpaar en hul dogter, Sara. Die eerste koue front is op pad en hulle besef hulle sal moet aanbly tot die sneeu opklaar voor hulle verder kan reis.
Goeie Vrydag is die gedenkdag van hul ma se dood en daardie aand sluip Racheltjie en Jamie uit die huis om
