KOP TUSSEN DIE STERRE
CLYDE FOSTER (62), AMATEURSTERREKUNDIGE
‘WANNEER ander mense saans voor die televisie of in die flieks sit, gooi ek vir my ’n glasie witwyn in en stap uit na die sterrewag in my agterplaas.
Die sterrewag is ’n voorafvervaardigde geïsoleerde staalvertrek wat sowat 5 x 3 m groot is en wat water, stof en hittebestand is. Die dak skuif elektronies oop sodat die teleskoop ’n uitsig op die hemelruim kan hê, en ek gaan sit agter die rekenaar. Daarmee samel ek videodata in vir die fotografiese beelde wat ek later prosseseer.
