Die Klippie wat toe ’n rots word
Sy naam is Petrus. Rots, in die Bybelse taal. Maar so ’n klein seuntjie met so ’n sware naam! Toe noem sy oupa hom Klippie.
Dis as Klippie wat hy en sy bloedjong ma, Louwna du Toit, sowat dertig jaar gelede aan ons hartsnare gepluk het. Terwyl sy pa, Wynand, twee en ’n half jaar as krygsgevangene in ’n Angolese tronk krepeer het. Die bekkige seuntjie wat op drie aan ’n joernalis oor die foon gesê het hy gaan The A-Team, destyds op TV, kry om sy pa uit die tronk te red.
En hy heet steeds Klippie; “my Klip-man” vir sy ma. Al sou die assosiasie met ’n rots nou gemaklik op sy skouers lê, want spiere het hy genoeg! Deesdae ’n argitek op Mbombela (Nelspruit) in Mpumalanga, helikoptervlieënier en “verslaaf aan reis”, staan hy, wel, rotsvas op die aarde. ( Ja, ook as hy vlieg. Dis nogal tegnies daai, sê hy. Veral as jy met die helikopter so in die lug moet hang. Kophou!)
Klippie is selfstandig,
