Indonesië Legkaart van duisende eilande
“Selfvertroue,” sê die toergids Indra Diwangkara met ’n effense lispel. “Dís hoe jy ’n pad in Indonesië kruis.” In die hart van Djakarta, Indonesië se reusagtige hoofstad, zoem die poegies verby soos ’n swerm metropolitaanse bye. Een is so swaar gelaai soos ’n pakdonkie, ’n ander vervoer ’n gesin van drie en hul hond, en op nog een gesels ’n local alte lekker oor sy selfoon.
Zoem . . . zoem . . . zoem.
Die hitte kleef aan jou soos ’n stuk clingwrap. Dis warm, dis bedompig . . . dis die Ooste se air con. Jou sweet swéét. Jy verloor kilo’s by die minuut.
“Kom, kom!” sê Indra, lig sy regterhand op en begin soos Moses deur die see van poegies loop. Vyf Suid-Afrikaners, ek en SARIE-kosredakteur Herman Lensing ingesluit, volg
