DIE NUWE SEISOEN
Wanneer jy ’n onderhoud met die aktrise en televisieaanbieder Nadia Beukes voer, voel dit soos tee drink saam met ’n vriendin. Daarvoor sorg haar onopgesmukte, warm persoonlikheid en die rustigheid in die De Villiers-gesin se huis in Brooklyn, Pretoria. Buite hoor jy die klankbaan van ’n gewone oggend in ’n voorstad, en in die hart van die pragtig gerestoureerde huis met sy moderne aanslag lag klein Davey (7 maande) te lekker. Dis duidelik dat Nadia en haar sakeman-man, David, se blonde blouoog-eersteling die spil is waarom die huishouding draai. Selfs Angie Moloto, Nadia se regterhand, los alles wanneer die
