Gebore uit PYN

IRA BLANCKENBERG aktrise

I ra en haar akteurman, Waldemar Schultz, se 14-jarige seun, Kieran, is in 2013 dood nadat hy by Hermanus van ’n krans afgeval het. Om haar gevoelens neer te skryf het Ira dié groot verlies help hanteer, en in 2018 tot ’n eenvrou-opvoering gelei.

“Kieran was ’n besonderse kind, wys bo sy jare. Hy het dikwels gesê: ‘Sjoe Mamma, die tyd gaan so vinnig verby! Doen ek genoeg?’ Hy was verskriklik eerlik en vol empatie, maar het ons ook lekker laat lag. “Jare lank het ek gevrees Kieran sou by ’n krans afval. As hy in ’n rotsagtige omgewing onder my oë uit was, was ek paniekbevange. Origens was ek ’n rustige ma. Sy jonger sussie, Dhania, kon maak wat sy wil. Ek het besef my vrees is irrasioneel en Kieran probeer toelaat om kind te wees.

‘EK HET GEEN VREES MEER NIE’ - Ira

“Ek was in Mpumalanga vir werk toe die ongeluk gebeur. Dit het my sewe uur geneem om by Waldi, Dhania en Kieran se liggaam te kom.