MUSE ÉN kunstenaar
Die Amerikaanse Lee Miller het eers naam gemaak voor die kamera as model en uiteindelik agter die kamera as fotograaf. Sy was in die twintigerjare ’n Vogue- model en het daarna bekendheid as ’n modefotograaf verwerf. In die
Tweede Wêreldoorlog het sy van die eerste fotografiese bewyse van die Joodse volksmoord by die Dachau- en Buchenwald-konsentrasiekampe afgeneem. Hoewel sy twee keer getroud was, het sy in haar leeftyd veral bekendheid verwerf vir haar verhouding met die surrealistiese fotograaf en kunstenaar Man Ray. Ray was smoorverlief op haar en dit het hom jare geneem om hul gebroke verhouding te verwerk.
Elizabeth Miller is op 23 April 1907 in Poughkeepsie, New York gebore. Haar pa, Theodore, was van Duitse afkoms en haar ma, Florence Miller (née Macdonald) het Skotse en Ierse voorouers gehad. Lee, ’n middelkind, het twee broers, John en Erik, gehad. Op sewe het ’n familievriend Lee in Brooklyn verkrag en met gonorree besmet. Om die trauma van die verkragting te verwerk het haar ouers (op aanbeveling
