20 JAAR SE LIEF & LEED
AAN die beginvan2020kanonsterugkyk op twee dekades wat ’n stewige dosis drama opgelewer het. Van die Hansie Cronjé-knoeierysage tot natuurrampe en terreuraanvalle wat derduisende lewens geëis het. Hier is 20 van die afgelope 20 jaar se groot nuusgebeure.
1 2000 DIE VAL VAN DIE GOUE SEUN
Hy het sportgeskiedenis gemaak as die man wat in sy sewe jaar as Proteakaptein sy span in ’n rekord van 53 toetse en 138 internasionale eendagwedstryde aangevoer het. Maar toe val die goue seun. Op 7 April 2000 het die Delhi-polisie Hansie Cronjé daarvan aangekla dat hy in sy span se eendagwedstryde in Indië ’n maand vroeër geknoei het – vir omkoopgeld.
Hansie het eers volgehou dis onsin, maar vier dae later het hy Ali Bacher, destydse besturende direkteur van die Verenigde Krieketraad van Suid-Afrika, drieuur die oggend gebel en gebieg: “Ali, ek was nie heeltemal eerlik met jou nie.”
“Die duiwel” het hom dit laat doen, het hy in ’n faks aan Ray McCauley, hoof van die Rhema-Bybelkerk, gesê.
Voor die King-kommissie van ondersoek het die een skokonthulling ná die ander uitgekom: hoe Hansie spanmaats soos Herschelle Gibbs en Henry Williams geld aangebied het om swak te speel en dat hy honderdduisende rande van beroepswedders ontvang het. In Oktober 2000 is hy lewenslank uit krieket geskors. Twee jaar later, op 1 Junie 2002, het die nuus gekom: Wessel Johannes “Hansie” Cronjé (32) het in ’n vliegongeluk in die Outeniekwaberge by George gesterf.
2 2001 AMERIKA SE DONKERSTE DAG
Op 11 September 2001 het mense wêreldwyd voor hul kassies sit en staar na ’n vliegtuig wat op die tweede toring van die World Trade Center in New York afpyl terwyl die eerste toring ontplof en ineenstort. In die dodelikste terreuraanval ooit op Amerika het 19 ekstremiste
You’re reading a preview, subscribe to read more.
Start your free 30 days