GROOTSTE NUUS 2020
DAT één onderwerp vanjaar die nuus – en ons gesprekke – oorheers het, kan niemand ontken nie. Nog baie lank sal 2020 onthou word as die jaar van die pandemie. En daarmee saam sal ons ’n klomp ander woorde en dinge onthou: die coronavirus, maskers, sosiale distansiëring, handontsmetmiddel . . . Die werklikheid en woordeskat van covid-19 en die inperking sal ons nooit vergeet nie.
Maar dis nie ál wat vanjaar gebeur het nie – ook ander groot nuusgebeure het die land in hierdie uitdagende jaar geboei. Ons kyk terug na van die ander gebeure wat ons altyd sal bybly.
Drie gesinne is so te sê uitgewis
GESINSTRAGEDIE IN DIE KALAHARI
Dit was veronderstel om ’n sorgelose droomvakansie in die Kalahari te wees ná byna vyf maande van die inperking. Maar toe ’n brand die luukse grasdakvakansiehuis Blinkwater Desert Place Manor in die vroeë oggendure van Sondag 16 Augustus verswelg het, is drie gesinne van Ceres en die Koue Bokkeveld so te sê uitgewis.
Van die ses volwassenes en sewe kinders wat die vorige aand nog vrolik saamgekuier het, het net Wilmien Davin (37) en haar babaseuntjie, Ben (18 maande), en Madelein Bauer (36) die brand naby die Kgalagadi-oorgrenspark oorleef.
Wilmien se man, Frans, en hul twee oudste kinders, Frans jr. (5) en Iza (3), is oorlede, asook Madelein se gesin – haar man, Stefan (39), en dogters, Inge (7) en Elré (4). Die hele Carstens-gesin – Hendri (38), Dané (32) en hul seuntjies, Pierre-Johan (5) en Magiel (3) – is oorlede.
Die land is geruk deur dié ondenkbare tragedie en die hartverskeurende lewensverlies, en meegevoel vir Wilmien en Madelein het van oraloor opgeklink.
Die oorsaak van die brand is
