ONS TROU, WANT ONS KAN!
EWE blond. Ewe mooi. Hy sportief in ’n T-hemp en swembroek. Sy in ’n vloeiende, mosterdkleurige top bo-oor ’n grys T-hempie en geskeurde jeans langs hom op die rotse. Kompleet soos modelle in ’n advertensie vir die een of ander gesondheidsproduk. Heilsaam en sag op die oog vir die fotosessie.
Dan skree iemand uit die gewilde Delfino’s-restaurant aan Mosselbaai se Puntstrand daar naby: “Geluk, Katinka!”
“Dankie, ek waardeer,” groet die pas verloofde jong vrou wie se oë selfs meer blink as die klippie wat aan haar vinger flonker.
Katinka Oosthuizen, aanlyn beter bekend as Katinka die Kat, fluister en lag saggies: “Dis hoekom ek in Desember nie eintlik uitkom nie.”
Mense weet wie sy is, want Katinka (21) was verlede en het die topdrie gehaal in die sesde seisoen wat in die Filippyne afgespeel het. Deesdae bied sy die VIA-musiekprogram aan, en daarvoor pendel sy tussen Mosselbaai en Johannesburg.
