სოციალიზმის პრობლემები და პერსპექტივები საქართველოში

By კარლ კაუცკი

1920 წელს კარლ კაუცკი დამოუკიდებელ საქართველოს ეწვია, რომლის სათავეში სოციალ-დემოკრატები იდგნენ. ევროპელმა პოლიტიკოსმა ვრცელი სიტყვა წაიკითხა საქართველოში სოციალ-დემოკრატიის პერსპექტივებზე და საქართველოს კავშირის აუცილებლობაზე ევროპულ ინტერნაციონალთან, რაც გახდა კიდეც საფუძველი წინამდებარე წიგნისა.

• Language: ქართული ენა
• Publisher: iBooks
• Release date: Feb 2, 2022

Book preview

კარლ კაუცკი - სოციალიზმის პრობლემები და პერსპექტივები საქართველოში

Karl Kautsky - Probleme und Perspektiven des Sozialismus in Georgien

iBooks© 2022 ყველა უფლება დაცულია

მოცემული პუბლიკაციის არც ერთი ნაწილი არ შეიძლება იქნას რეპროდუცირებული, გავრცელებული ან გადაცემული ნებისმიერი ფორმითა და ნებისმიერი საშუალებით, მათ შორის ელექტრონული, მექანიკური, კოპირების, სკანირების, ჩაწერის ან რაიმე სხვა გზით გამომცემლის წინასწარი წერილობითი თანხმობის გარეშე. გამოქვეყნების უფლების შესახებ გთხოვთ მოგვმართოთ შემდეგ მისამართზე: [e-mail]

iBooks

ვაჟა-ფშაველას მე-3 კვ., მე-7 კ. 0186 თბილისი, საქართველო

ტელ: (32) 2314424

ელფოსტა: [e-mail]

www. iBooks.ge

FB: IBooks

სარჩევი

წინასწარი შენიშვნა

I. მარქსის თეორია

II. ბოლშევიზმი

III. ქართული მეთოდი

IV. საქართველო და უცხოეთი

V. ინტერნაციონალი

VI. გამარჯვების პირობები

წინასწარი შენიშვნა

საქართველოს მუშათა კავშირებმა მთხოვეს გამეზიარებია მათთვის ჩემი შეხედულება სოციალიზმის პრობლემებსა და პერსპექტივებზე საქართველოში. გერმანიაში, როცა ეს შესაძლებელია, ყოველთვის გავურბივარ საჯარო გამოსვლას ორატორის როლში, რადგანაც ეს დროსა და ძალას მართმევს სხვა დარგში – იქ, საცა შემიძლია მეტის ნაყოფიერებით ვიმუშაო. მიუხედავათ ამისა, აქ სიამოვნებით ავასრულებდი ამხანაგების სურვილს, მაგრამ ამას ხელს უშლის გარდუვალი დაბრკოლება, რომელიც ჩვენი ენის სხვადასხვაობაში მდგომარეობს. მსმენელისათვის მეტის მეტათ მოსაწყენია რამოდენიმე საათის განმავლობაში ყურის გდება იმ ორატორის, რომლის ენაც მას არ ესმის. გარდა ამისა, საუკეთესო მთარგმნელისათვისაც კი შეუძლებელია ახლად მოსმენილი მოხსენების დაუყონებლივ სწორათ და უკლებლივ თარგმნა.

ამიტომ გადავწყვიტე დამეწერა ის მოხსენება, რომლის მოსმენის სურვილიც გამოსთქვეს ჩემმა პარტიულმა მეგობრებმა, და დაწერილი მოხსენება გადამეცა გამოსაქვეყნებლად საქართველოს პარტიული ორგანიზაციისათვის. ეს შეძლებას მაძლევს მივმართო არა მარტო ვიწრო წრეს, რომელიც ჩემს მოხსენებას მოისმენდა, არამედ საქართველოს პროლეტარიატის მთელს პოლიტიკურად შეგნებულ ნაწილს. 

ორმა გარემოებამ – მოხსენების ხასიათის დაცვის სურვილმა და ჩემი ბიბლიოთეკის სიშორემ – მაიძულა დავკმაყოფილებულიყავი ზოგად მოსაზრებებს. ის ჩონჩხი, რომელსაც ამ ბროშიურის სახით ვიძლევი, სისხლ-ხორცსა და სიცოცხლეს მხოლოდ მოაზროვნე მკითხველის თანამშრომლობის საშუალებით შეისხამს. 

ესა თუ ის ნაწარმოები მხოლოდ იმ შემთხვევაში იქცევა მომქმედ ძალად, თუ ის აიძულებს მკითხველს დამოუკიდებლად იფიქროს და იმსჯელოს წამოყენებულ პრობლემებზე და თუ ჩემმა წიგნაკმა შესძლო ასეთი ნაყოფის გამოღება, მაშინ სავსებით მიაღწევს მიზანს ეს პატარა ძღვენი ქართველი პროლეტარიატისადმი.

კ. კაუცკი

თბილისი, 18 ოქტომბერი, 1920 წ. 

I. მარქსის თეორია

ძვირფასო ამხანაგებო! თქვენ შემეგებეთ როგორც თქვენს მასწავლებელს, მე კი მოვედი არა იმისათვის რომ გასწავლოთ, არამედ იმისათვის, რომ ვისწავლო, ვნახო თუ რა სახე აქვს სოციალისტურ რეჟიმს საქართველოს თავისებურ პირობებში. მარქსისტულ თეორიას ჯერ არ ჰქონია შემთხვევა შეესწავლა ისეთი წყობილება, რომელიც თქვენ გაქვთ, რადგან წარსულში ასეთი რამ არ არსებულა, თქვენ იძულებული იყავით სრულიად დამოუკიდებლად გაგეკვლიათ გზა და მარქსისტულ თეორიაში ჰპოვეთ საიმედო გზის მაჩვენებელი. ყოველივე მარქსისტ მკვლევარისათვის უდიდეს ინტერესს წარმოადგენს იმის გამოკვლევა თუ როგორ გამოისახა მარქსისტული თეორიის გამოყენება ამ პირობებში.

დღეს რუსეთიდან ირწმუნებიან, თითქოს სოციალიზმის სინათლე ევროპას აღმოსავლეთით უნდა მოევლინოს, მაგრამ მარქსისტული თეორია წარმოიშვა არა ტიბეტში – დალაი ლამას ქვეყანაში – არამედ ევროპის უკიდურეს დასავლეთში. ინგლისის პირობებში ჰპოვა მარქსმა უმდიდრესი მასალა თავისი მოძღვრებისათვის, რომელიც უპირველეს ყოვლისა ინგლისის საზოგადოებრივ ურთიერთობას ეყრდნობოდა.

თქვენ, რა თქმა უნდა, გაცნობილი ხართ მარქსის მოძღვრებას; მიუხედავათ ამისა მინდა ერთხელ კიდევ მივუთითო მის დამახასიათებელ დებულებებს, რომ ხელში მქონდეს თქვენი პირობების და მისწრაფებების დაფასებისათვის საჭირო საზომი. სხვა სოციალისტებისაგან მარქსი, სხვათა შორის, იმით განსხვავდება, რომ მას უმაღლესად განვითარებული მსხვილი ინდუსტრიული კაპიტალიზმი მიაჩნია მომავალი სოციალისტური საზოგადოების საფუძვლად, მხოლოდ მსხვილი ინდუსტრია ჰქმნის საწარმოო ძალთა ისეთ სიუხვეს, რომელიც ყველასათვის შესაძლებლად და ხელმისაწვდენად ხდის უზრუნველყოფილ ცხოვრებას, საჭირო დასვენებას და განათლებას. მხოლოდ მსხვილი ინდუსტრია ჰქმნის პროლეტართა მასებს, რომლებიც არამც თუ არ არიან დაინტერესებულნი საწარმოო