K fyrir Klara 2 – Viltu vera kærastan mín?

By Line Kyed Knudsen

"Klara er skotin í Benjamín. Hún er með gjöf handa honum. Einn daginn fær hún skilaboð frá Benjamín. Klara verður mjög glöð. En þegar Rósa fær sömu skilaboð hrynur allt. Og þegar Júlía fær svo líka sömu skilaboð fer allt úrskeiðis.Þetta er önnur bókin í hinni vinsælu bókaröð um Klöru og vinkonur hennar. Bækurnar fjalla um vináttuna, skólann og að verða eldri. Þær mæta lesandanum í veruleika hans. Bækurnar má lesa sjálfstætt, óháðar hver annarri."-

• Language: Íslenska
• Publisher: SAGA Egmont
• Release date: Oct 22, 2019
• ISBN: 9788726210460

Book preview

Afmælisgjöfin

Klara stendur á skólalóðinni. Hún er að leita að Benjamín á meðan bestu vinkonur hennar, Júlía og Rósa, læsa hjólunum sínum. Brún laufblöðin þyrlast um í vindinum, ekki ólíkt fiðrildunum í maganum í Klöru. Benjamín á afmæli í dag og Klara er með gjöf handa honum í skólatöskunni sinni.

Hún hefur verið svolítið skotin í Benjamín síðan í leikskólanum. Klöru finnst hann svo sætur með grænu augun sín og brúnu krullurnar og henni finnst gaman að svipast um eftir honum á morgnana. Benjamín og Lúkas koma hjólandi saman í skólann í dag. Benjamín er á splunkunýju og glansandi hjóli en hann nær næstum því ekki niður á pedalana með fótunum. Júlía heldur hurðinni á meðan Benjamín leggur hjólinu sínu.

„Til hamingju með afmælið, Benjamín!" kallar Júlía.

„Til hamingju með afmælið, Benjamín," segir Rósa líka.

Klara ræskir sig og réttir úr bakinu. Henni finnst hjartað í sér slá einkennilega í dag.

„Til hamingju með afmælið," segir hún