K fyrir Klara 4 – Að gista hjá Möllu

By Line Kyed Knudsen

"Rósa og Júlía ætla að gista heima hjá Möllu. Klara getur ekki farið af því að hún er veik. Hún getur ekki heldur farið út á sleða. Svo þegar henni er batnað er snjórinn farinn. Getur hún núna gist heima hjá Möllu?Þetta er fjórða bókin í hinni vinsælu bókaröð um Klöru og vinkonur hennar. Bækurnar fjalla um vináttuna, skólann og það að verða eldri. Þær mæta lesandanum í veruleika hans. Bækurnar má lesa sjálfstætt, óháðar hver annarri."-

• Language: Íslenska
• Publisher: SAGA Egmont
• Release date: Oct 22, 2019
• ISBN: 9788726210446

Book preview

Snjórinn

Það er morgunn og Klara finnur að henni er illt í höfðinu þegar hún vaknar. Hún pírir augun. Það er svo bjart úti, hugsar hún með sér.

Mamma Klöru kemur inn til hennar. Hún setur höndina á ennið á Klöru.

„Þú ferð ekki í skólann í dag, segir hún og strýkur yfir hárið á Klöru. „Þú ert með háan hita.

Klara er ekki að hlusta. Hún horfir enn þá í áttina að glugganum. Fyrst heldur hún að það sé sumar. Hún bröltir ringluð fram úr rúminu. Hún gengur að glugganum og dregur gardínurnar frá. Fyrir utan sér hún þykkt lag af snjó. Það glampar á snjóinn í sólinni.

Það hlýtur að hafa snjóað alla nóttina.

„En ég vil fara í skólann, muldrar Klara. Hún styður sig við gluggakistuna af því að hana svimar og henni er flökurt. „Við ætluðum að renna okkur á sleða í frístundinni!

„Nei, þú verður heima," segir mamma hennar og fylgir henni aftur að rúminu.

Klara andvarpar og leggst niður. Hún lokar augunum og hugsar um frístundaheimilið. Það er brött brekka aftan við leikvöllinn sem er gaman að renna sér niður á sleða. Í fyrra þorði hún ekki að renna sér alveg efst úr brekkunni