Rubriek BOERDERYBESTUUR
Toe ek in die 1970’s op universiteit was, het ons geleer dat die wêreldbevolking sy hoogtepunt by omtrent 6 miljard mense sal bereik. Hierdie stelling was gegrond op die tegnologie wat destyds vir boere beskikbaar was.
Die grootte van die wêreldbevolking word bepaal deur die hoeveelheid voedsel wat beskikbaar is om mense aan die lewe te hou. Tans is die wêreldbevolking 8 miljard (sien die TABEL). Wat het intussen gebeur?
Sedert die 1970’s was daar ’n toename in die tegnologie en kennis wat vir boere beskikbaar is. Kunsmis is sedert laat in die 19de eeu beskikbaar. Met moderne produksietegnieke en vervoerinfrastruktuur is misstowwe nou in ’n groter deel van die wêreld beskikbaar.
Die verskeidenheid chemiese middels, soos plaag- en onkruiddoders, het aansienlik toegeneem en sal