EERS enkellopend, toe verlief, en nou weer enkellopend. Alles het so vinnig gebeur. Die een oomblik was sy heel gelukkig op haar eie – op haar “eish”, kan ’n mens byna sê – en die volgende oomblik het sy op die nippertjie besluit sy gaan voor die televisiekameras om die akteur Francois Jacobs se hart meeding.
Twee weke later was sy tot haar verbasing smoorverlief. ’n Wipwarit het gevolg: liefde, ’n verhouding, die kollig . . . Voor sy haar kon kry, moes sy vrae uit alle oorde aanhoor: Wanneer kom ’n ring? Wanneer kom ’n baba?
En toe, die dag ná Valentynsdag, word die ontknoping openbaar: Dis verby; hul verhouding het verbrokkel. “Ons is opreg lief vir mekaar en sal die vriende wat ons in mekaar, ontmoet. Wanneer ’n verhouding verbrokkel, is dit seer. “Enige is nie maklik nie, maar ons hanteer dit mooi,” sê Nykie Pretorius nou.